ସଫଳତା

ହୃଦୟ ର ଅସୀମତା ତଳେ,

ପ୍ରାର୍ଥନା ର ଅନ୍ତରାଳେ...

ଦୀପ୍ ଦୀପ୍ ହୋଇ ଜଳୁଥିଵା ସନ୍ତର୍ପିତ ପ୍ରାଣ ଟିଏ

ତମସା ର ଅନ୍ତରୀକ୍ଷ ମଧ୍ୟରେ

ଉକୁଟି ଆସୁଥିଵା ଜୀଵନ ର ଭୁରୁଭୁରୁ ଵାସ୍ନା

କେଵେ ସୂର୍ଯ୍ୟ, କେଵେ ଜହ୍ନ ର

ପରିଵର୍ତ୍ତିତ ପ୍ରତାରଣା ରେ ମ୍ରିୟମାଣ

ଛଟପଟ ହୋଇ ଚାଲିଥିଵା ମୁକ୍ତି ସଂଗ୍ର୍ରାମ

ନୀରିହତା ର ଅଦ୍ୟମ ପ୍ରେରଣା

ଭରି ଦେଇଥିଲା ସ୍ନାୟୁ ତନ୍ତ୍ରୀ ରେ

ଵିଜୟ ଧ୍ଵନି ର ଅଦ୍ୟମ ଝଙ୍କାର

ସମ୍ଵାଭନା ର ଅଭିନଵ ଉଚ୍ଚାରଣ

ଏହା ଆଶ୍ଵାସନା ନୁହେଁ,

ଚିରନ୍ତନ ପ୍ରାର୍ଥନା, ନୀରଵ ଯନ୍ତ୍ରଣା

ଭେଦକଲା ଆକାଶ ର ଉଦାରତା

ଘନ ନୀଳ ଢେଉଢେଉକା ଵାଦଲ ର ସ୍ଵପ୍ନ

ଟପଟପ ହୋଇ ଝରି ପଡିଲା,

ବାଦଲ ଆଖି ର ଅଶ୍ରୁ,

ସେଇ ଵୁନ୍ଦାଵୁନ୍ଦା ଅଶ୍ରୁ ରେ ସାଉଁଟା

ଜୀଵନ ର ପ୍ରାର୍ଥନା,

ଵାଦଲ ର ଉଷ୍ମତା,

ଖଦ୍ୟୋତ ର କ୍ଷୁଦ୍ରତା,

ମାଟି ଭିତରୁ ଅଙ୍କୁରି ଆସୁଥିଵା

ଚଳଚଞ୍ଚିଳ ସ୍ନାୟୁ ମାନଙ୍କ,

ସଫଳତା

Poetry by Shalan is licensed under a Creative Commons Attribution-NonCommercial 4.0 International License.